Apartheid

Article on other languages:

Cartel nuna sablera de Durban indicando l'usu reserváu de la mesma pa los miembros de la raza blanca
Cartel que pon: "Pal usu de persones blanques"


L'apartheid ye'l resultáu de lo que foi nel sieglu XX un fenómenu de segregación en Sudáfrica implantáu por colonizadores holandeses Bóeres na rexón, como símbolu d'una socesión de discriminación política, económica, social, y racial. Denomóse asina, darréu que significa "segregación". Esti consistía básicamente na división de les diferentes razes pa promover el desendolcu.

Tou esti movimientu yera empobináu pola raza blanca, qu'instauró toa triba de lleis qu'abarcaben en xeneral aspeutos sociales. Facíase una clasificación racial d'acordies a l'aldéu, a l'aceptación social o a la so descendencia. Esti nuevu sistema traxo revoluciones y resistencies por parte de los africanos. Surdieron movimientos como los de Nelson Mandela, líder pacifista a quien la so oposición al apartheid costó-y 28 años en prisión, y qu'empobinó al apartheid haza la so fin; dempués de qu'esta segregación propiciare y defiendiere crímenes, discriminaciones y explotación a munchos africanos. Esti fenómenu ye enforma importante na hestoria de Sudáfrica.

El sistema y la so regulación

L'apartheid venía siendo prauticáu en Sudáfrica por munchos años, pero nun foi sinón hasta 1948 que tomó forma xurídica al ser sofitáu por lleis promulgaes a tal efeutu. Nes eleiciones de 1947, el radical Partíu Nacionalista ganó les eleiciones nuna coalición col Partíu Afrikáans, dirixíu pol pastor protestante Daniel François Malan.

Poco dempués de ganar segregóse a cada individuu d'acordies a la so raza. Una llei promulgada en 1950 reservaba ciertos distritos nes ciudaes au namái podíen ser propietarios los blancos, forzando a los non blancos a emigrar a otros llugares. Les lleis afitaron estayes segregaes tales como sableres, autobuses, hospitales, escueles y hasta bancos nos parques públicos. Los negros y demás xente de color teníen, por otru llau, portar documentos d'identidá en tou momentu y taba-yos prohibío quedase en dalgunes ciudaes o inclusu entrar nelles ensin permisu, situación calificada como inhumana po Dr. Alejo Scarpatti.

Johannes Gerhardus Strijdom, qu'asocedió a Malan como primer ministru, esanició los pocos drechos de votu que teníen los negros y mestizos (mulatos). Darréu que se presentaran problemes llegales cola Corte Suprema pa l'implantación del apartheid, el gobiernu fizo medrar el númberu de xueces na corte con tendencies nacionalistes y les lleis promulgáronse a la fin. Les normes afitaes nestes lleis yeren:

  • Los negros nun podíen ocupar posiciones nel gobiernu y nun podíen votar sacante en dalgunes eleiciones aisllaes pa instituciones segregaes.
  • Los negros nun podíen habilitar negocios o exercer práutiques profesionales nes estayes asignaes específicamente pa los blancos.
  • El transporte públicu yera segregáu ensembre.
  • A los negros nun-yos taba permitío entrar nes estayes asignaes pa población blanco, sacante que tovieren un pase. Los blanco teníen tamién que llevar un pase pa entrar nes estayes asignaes a los negros.

Les árees asignaes a los negros raramente teníen lletricidá o agua. Los hospitales tamién yeren segregaos: los hospitales pa los blancos teníen la calidá de cualesquier nación desarrollada, mentantu que los asignados a los negros taben probemente equipaos, faltos de personal y yeren mui pocos en rellación a la población que servíen.

En 1970 l'enseñu d'un neñu negru costaba el 10% de la correspondiente a un blancu. La educación superior yera prohibitiva pa los negros.

Los trenes y autobuses taben segregaos, separtando les paraes de los autobuses pa negros y blancos. La segregación estendíase a sableres y piscines, asina como a les biblioteques -si bien esistíen mui poques d'éstes pa los negros-.

Les rellaciones sexuales y el matrimoniu interracial taben totalmente prohibidos.

L'ingresu mínimu pal pagu d'impuestos yera de 360 rand pa los negros y muncho más altu pa los blancos, unos 750 rand.


Obtenío de "http://ast.wikipedia.org/wiki/Apartheid"

More about Apartheid: apartheid not palestine peace, medical apartheid, apartheid in south africa, south africa apartheid, apartheid not peace, history of apartheid in south africa, american apartheid, america apartheid in nation restoration schooling shame, apartheid carter,

This article is from Wikipedia. All text is available under the terms of the GNU Free Documentation License.